Canzone per Venezia
Testo e musica Laurie Torrès
Canto e lira Laurie Torrès
Grazie mille a : Emanuela ed al suo amico Andrea per il loro aiuto
Testo :
1) El leon el ga perso le ale nella laguna cambiada in marcà
e i canti svanidi dei batipali no sveja più el gobo de Rialto.
Leon sensa piume, donde ti andarà ?
No te pol più gnanca sognar seren
L'oro che te vestiva prima ora xe strass bagnà de velen
Ma le ombre le se move sui muri
e par i canai sigan racconti scuri.
Rit. :
Levate sù Leon Marciano
i to fioi se lamenta
sera el libro par salvar el nido de matoni costruio na volta
I Arsenaloti impisarà el fogo dea rivolta.
2) Ombre de legende, i va de note fin ai sogni dei indormensai,
venesiani de sangue o de core
ciapando par man ricordi abandonai
e inte le gondole i va verso le stele
se vede arlecchin col Rioba-naso moro
la stria del pozzo che la ride co tre zitee
mentre la befana nel so calderon de oro
la prepara na posion e un martel
e chi trova na piuma la porta al castel.
3) Doman le impiraresse rancureran le piume de tuti i color
par unirle coe lagrime de anguane sofiade in mille fior.
Le vece del gheto cantarà racconti sconti e formule segrete
Le fate buranele farà un bel merleto con spuma e piumete.
L’ arsenal forgiarà nel so fogo eterno un scheletro de fero
e par meter le ale al leon servirà aiuto da l’estero.
4) Ora sona le campane, fantasma de San Marco
par gridar al mondo che no te vol un "Laguna-park" !
E il vento portarà la tua chiamata in tel cor de tuti i amanti
dea Serenisima terracqua e i vegnarà tuti come tanti aiutanti
meter sù al Leon le ale ritrovate e volarà de novo nel ciel dipinto da Tizian,
incoronà dal sol
E i gati tornai lo saludarà in venesian
E i fioi che nassarà doman nel nido incantà
i portarà nel cor na piuma che sussurrarà
"e on leon sgonfo, e on leon pelà
cantamela ti, che mi te l'ho cantà"
E i sarà leonet alài de la tera amàda "
cosmogann
